علق الإعلامي أحمد شوبير، عن أزمة أحمد فتوح لاعب الزمالك، وذلك بعدما هرب من معسكر الفارس الأبيض بداعي مرض عمه، ليظهر متخفيًا في إحدى حفلات المطرب راغب علامة، رفقة إمام عاشور لاعب النادي الأهلي.
تحيا مصر، وقال شوبير خلال برنامجه الإذاعي:” عندنا مثل شعبي بيقول اللي اتلسع من الشوربة ينفخ في الزبادي، و لكن أحمد فتوح بيشرب الشوربة وهي مولعة”.
وتابع شوبير قائلاً:” اللي عملوا نادي الزمالك فى أزمة أحمد فتوح بعد دخوله السجن بعدما تسبب فى قتل أحد الأشخاص عن طريق الخطأ، يحسب للنادي حتي لو الفلوس اللي ادفعت مش من النادي ومن محبيه، لكن إن اللاعب يرجع ويبقي ليه دور أساسي من تاني جوه الفريق ده شئ يحسب أكيد ليهم”.
وواصل شوبير قائلاً:” أنا عايز أفهم حاجة النادي وقف معاك كتير، وبدل كلمة متشكرين تيجي تاني وتعمل مشكلة وتقولهم أنا همشي من المعسكر عشان عمي تعبان، وفى الأخر الناس تتفاجأ بيك إنك فى حفلة لراغب علامة”.
وأرد شوبير قائلاً:” أنا مش ضد إن لاعب يروح حفلة أو يستمتع، ولكن المانع اللي عندي أنت لاعب محترف، خلي حضرتك موجود فى النادي، عايز تطلع حفلة قولهم، ولو رفضوا وقال خليك وقت الأجازة مفيش مشكلة الحفلات دي موجود دايماً”.
وأختتم شوبير قائلاً:” ولكن هنفضل طول الوقت شغالين بنفس الأسلوب، مش هينفع كده يا أحمد فتوح أنت لاعب مهم أنت عايز أي بالضبط عايز تبقي لاعيب كورة يبقي لازم تحترم جماهير الزمالك واللاعيبة، عايز تسهر ماشي، لكن لازم تحدد عايز أي لأنك مش هتعرف تجمعهم مع بعض، وكلام لأي لاعب فى مصر”.
سببها حفلة في الساحل الشمالي.. القصة الكاملة لأزمة أحمد فتوح مع نادي الزمالك
وتغيب أحمد فتوح، عن معسكر نادي الزمالك، بعدما حصل على إذن من الجهاز الفني للفريق، بداعي مرض عمه، لكن تداول رواد مواقع التواصل الاجتماعي فيديو ظهر من خلاله أحمد فتوح، وهو في حضور حفل الساحل الشمالي.
كما وثق إمام عاشور لاعب النادي الأهلي الذي تواجد في الحفل أيضًا بعد غيابه عن معسكر الأهلي في تونس بسبب إصابته في الكتف، فيديو ظهر فيه أحمد فتوح، وهو برفقة لاعب الأهلي.