“بتعالج نفسيا”..عمرو وردة ينهار على الهواء ويكشف حقيقة فسخ تعاقده مع فاركو- فيديو

تحدث عمرو ورده لاعب فاركو عن الهجوم الذي يتعرض له بإستمرار والشائعات التي تطلق بشأنه، وكذلك أوضح حقيقة فسخ تعاقده من قبل نادي فاركو.

ةقال عمرو وردة في مداخله هاتفية ببرنامج “اللعيب” عبر قناة “mbc مصر”:” منذ ازمتي في المنتخب والتي كنت وقتها صغير في السن واتعرض للشائعات، كلنا بنخطئ ومنذ حدوث الازمة بتبهدل وسفروني ايران وقبرص وانا عمري ما سافرت هاتين الدولتين”.

وأضاف: “كل الحكايه روحت الرجاء المغربي وجالي مرض نفسي بتعرض لـpanic attac (لنوبات هلع) وفسخت عقدي، وكنت في المستشفى ورجعت على مصر”.

وتابع:” انا عندي 30 سنه مستاهلش كده وربنا بيسامح ليه بتقولوا عليا بفسخ تعاقدي مع اي نادي بوقع له، انا بقيت بتهته في الكلام، وباروح مستشفى خاصة علشان اتعالج “.

وشدد وردة:” ليه بتفسخوا عقدوا وانا قاعد، ليه انا عملت ايه؟ عاوزني ابطل كره ولو مش عاوزني العب هبطل، وعمري ماحد رفع علي قضية ولا اتقبض عليا، انا بتعامل مع ربنا من كثر ما شوفت من الناس”.

وأضاف:” انا موجود مع فاركو وبتعالح من ايام الرجاء نفسيا، الناس في فاركو محترمني وعقدي مستمر معهم”.

وأشار:” مش عاوزين ترجعوني المنتخب خلاص مش عاوز ارجع، مش عاوزني العب كره وعاوزين تخلصوا عليا، خلاص ربنا موجود ليه كل ده بيحصل معايا، وممكن اسيب البلد انتم بتخلصوا عليه وبيجيلي ـpanic attac (لنوبات هلع) وفاركو عارفين”.

وأكمل وردة باكيا:” انا لابحب اتكلم ولا اقول ليه تقولوا فسخوا عقدي والله ده ماحصل ولوحصل هقول، ولوغلط حصل مني وانا صغير انا اسف وربنا بنسامح وانا من عيله محترمه”

وأستانف: “انا واحد كل 4 ايام باروح لدكتور باخد علاج وليه تقولوا راح قبرص وايران لو مش عاوزني العب كره خلاص انا كنت لاعب منتخبات في جميع الاعمار”.

وزاد وردة:” التعب النفسي وحش جدا، قالوا فسخوا عقده، وفاركو قالوا ملتزم معهم من اسبوع او10 ايام النادي عارف ان بتعالج، والله العظيم مش بتكلم علشان اكسب تعاطف لكن عندي اهلي والمفروض اكون في امان ببلدي ليه تضايقوني وتكلموا عليا”.

وواصل: “أسالوا الناس في فاركو عني وهل مبسوط ولا لا والناس محترمني، انا نفسي اكمل كره لكن مش قادر والله مش قادر التعب النفسي وحش وباخد ادويه وانا عندي30 سنه، والله العظيم بحلم ارجع المنتخب ومش بشحت عالهوا لكن حلمي ارجع المنتخب”.